摩帥變通起死回生

2013-12-03 08:13:06 来源:互联网

摩帥變通起死回生

前晚車仔甫開賽13秒就失波,嚇到頂爺一額汗,好在佢哋仲沉得住氣,喺下半場連入3球反勝對手。其實摩連奴今次布陣的確係有啲奇怪,艾辛咁耐都冇出場竟然有正選打,就算玩輪換都應該放約翰米高爾啦,結果就因為佢回傳撻Q闖禍;然而,摩帥又好嘢在能夠當機立斷,換邊後立即變陣打雙箭頭,調入丹巴巴亞拍費托攻堅,果然取得成效,反勝而歸。頂爺喺度想指出,摩帥引人之處,就係識得靈活變通,唔似得其他領隊死牛一便頸,明知錯都唔肯改,值得頂爺俾個讚!
今晚有場足總盃重賽,劍橋聯家陣喺非聯賽排榜首,主場更10連勝,來季好大機會升上英乙,實力足以同英乙仔硬碰,今晚對住英乙排20嘅貝利,贏得啦!

 

流言情报
相关标签: 车路士