鎚仔幫搗破水晶宮

2013-12-03 08:14:24 来源:互联网

鎚仔幫搗破水晶宮

英超周二獨腳戲演下游大戰,急需搶分嘅水晶宮雖然有新帥佩利斯領軍,但佢嘅腳頭似乎唔係太好,加上呢支升班馬嘅傷兵問題嚴重,上輪大捷嘅韋斯咸可乘勇再攞3分,平手盤捧鎚仔幫!(周二17,now621周三4:00am直播)
一度連輸7場嘅水晶宮,喺近5場英超只係靠班倫取得唯一入球,其餘4場都係食白果,咁疲弱嘅鋒力梗係難以發圍啦,所以前史篤城領隊佩利斯上任後都幫唔到球隊,上周首次領軍就作客負諾域治0:1,都唔知係隊波真係咁屎,定係佩利斯嘅腳頭唔好,總知短期內都好難救得番。
謝路美湯馬士、柏德列麥卡菲、積克亨特同埋格連梅利繼續養傷,呢場比賽對於古迪奧拉亦嚟得太早,因為佢只係啱啱恢復訓練,未有足夠比賽狀態,另外恩歷克波拿斯就要停賽,積弱嘅水晶宮咁搞法真係雪上加霜,追對家係好時機。
韋斯咸都有迪亞華、雷特、柏歷、雲斯頓列特同埋華斯迪等人養傷,不過中鋒安祖卡路爾就好大機會復出,領隊艾拿戴斯好有信心可以將呢位前英格蘭國腳帶去史靴斯球場候命,換言之最少都會出現喺後備名單,人腳增兵當然係好事。


韋斯咸大勝富咸添信心
鑑於鎚仔幫上周倫敦打吡大勝富咸3:0,士氣同信心提升咗之餘,更喜見卡頓高爾同埋祖高爾兩位前車路士球員都有回助跡象,如果天才新人拉夫摩利臣可以表現番正常水準,呢隊韋斯咸其實創意無限,加上兩軍近幾次交手都唔旺主場嘅一方,既然水晶宮輸開有條路,足智彩今仗又有平手盤選手,點解唔買坐走望贏嘅韋斯咸呢?(森林木)
 

流言情报
相关标签: 水晶宫 韦斯咸