曼城炒「鵝」拿斯尼起孖

2013-12-03 08:13:00 来源:互联网

曼城炒「鵝」拿斯尼起孖

歐洲最新嘅魔鬼主場喺曼徹斯特,因為日前以3:0輕取「天鵝」史雲斯之後,曼城今屆英超主場7戰全捷,所以就算藍月亮作客勁屎,仍然可以保住聯賽榜三甲席位,3年嚟首次梅開二度嘅拿斯尼可謂居功至偉,柏歷堅尼仲宣布高柏尼周中復出?!
大家冇聽錯呀,闊別多時嘅曼城隊長高柏尼終於好番,周中英超快車對西布朗時就會復出,不過最令藍月亮球迷開心嘅係拿斯尼梅開二度,呢位法國中場已經2年未試過單場入2球,曼城憑住佢嘅優異演出,加上尼格度先開紀錄嘅一球,最終喺主場以3:0輕鬆擊退史雲斯。
贏得咁清脆俐落,領隊柏歷堅尼梗係要威水吓啦,佢都有讚史雲斯其實打得好好,3:0唔足以反映實際過程,但同時揚言曼城主場好之餘,亦要改善作客成績,希望2014年之前可上番英超榜首。
 

流言情报
相关标签: 史雲斯 曼城